आपली विधाने आणि कारवाया याद्वारे आपण भारताचे शत्रू, हिंदूधर्मद्वेष्टे आणि अनितीचे पुरस्कर्ते असल्याचे जॉर्ज सोरस यांनी वेळोवेळी दाखवून दिले. आपल्याला अपेक्षित असलेल्या गोष्टी भारतात घडत नाहीत, याचा राग सोरस कधीही लपवू शकले नाहीत. याच कारणामुळे भारताचे नेतृत्त्व आणि व्यवस्था यांना सोरस पुन्हा पुन्हा लक्ष्य करीत आहेत. मात्र इतरांवर आरोप करणाऱ्या जॉर्ज सोरस यांच्यावरच आत्तापर्यंत अनेक गंभीर आरोप झालेले आहेत.
१९३० साली हंगेरीत जन्म झालेले जॉर्ज सोरस यांच्याकडे ८.५ अब्ज डॉलर्स इतकी संपत्ती असल्याचा दावा केला जातो. विख्यात गुंतवणूकदार आणि समाजिक कार्यासाठी सढळ हस्ते निधी देणारे दानशूर अशी जॉर्ज सोरस यांनी ओळख केली जाते. पण ज्या देशात सोरस यांचा जन्म झाला, त्याच हंगेरीच्या सरकारने ‘अँटी सोरस ॲक्ट’ संमत केलेला आहे. कारण स्वयंसेवी संस्था आणि वरकरणी समाजकार्य करीत असल्याचा दावा करणाऱ्या जॉर्ज सोरस यांच्याशी निगडीत असलेल्या संस्था प्रत्यक्षात हंगेरीत राजकीय हस्तक्षेप करीत होत्या. हंगेरीचे पंतप्रधान व्हिक्टर ऑर्बन यांनीच हे आरोप करून २०१८ साली ‘अँटी इमिग्रंट स्टॉप सोरस लॉ’ हा कायदा मंजूर करून घेतला होता.
सिरिया व इतर आखाती देशांमध्ये गृहयुद्ध पेटल्यानंतर इथल्या निर्वासितांना युरोपिय देशांमध्ये शिरकाव करण्यासाठी सोरस यांनी पैसे पुरविलेल्या संस्था काम करीत होत्या. ज्या देशांनी या निर्वासितांना स्वीकारण्यास नकार दिला, अशा हंगेरीसारख्या देशांमधले सरकार पाडून आपल्याला हवे असलेले सरकार आणण्यासाठी सोरस यांनी प्रयत्न सुरू केले होते. ते हाणून पाडण्यासाठी हा कायदा करावा लागल्याचे पंतप्रधान ऑर्बन यांनी म्हटले होते. तसेच निर्वासितांना युरोपात घुसविण्यामागे जॉर्ज सोरस यांचे हितसंबंध असल्याचा ठपकाही ऑर्बन यांनी ठेवला होता. त्यासाठीच सोरस निर्वासितांबद्दल इतका कळवळा दाखवित असल्याचे ऑर्बन म्हणाले होते.
इतकेच नाही रशिया व युक्रेनमधील युद्ध लांबविण्यात जॉर्ज सोरस यांना अधिक स्वारस्य असल्याचे ऑर्बन यांनी २०२२ सालच्या जून महिन्यात म्हटले होते. रशियासारख्या सामर्थ्यशाली देशाशी टक्कर घेण्याची क्षमता युक्रेनमध्ये नसताना देखील जॉर्ज सोरस यांनी युक्रेनच्या रशियाविरोधी कारवायांचे समर्थन केले, त्यामागे त्यांचे हितसंबंध दडलेले आहेत, कारण युद्धापासून फायदे उपटणाऱ्या उद्योजकांमध्ये सोरस यांचा समावेश आहे, अशी जळजळीत टीका हंगेरीच्या पंतप्रधानांनी केली असती. उदारमतवादी अशी स्वतःची ओळख करून देणाऱ्या गुंतवणूकदाराने युक्रेनच्या युद्धात स्वीकारलेली भूमिका, ऑर्बन यांचे आरोप सिद्ध करणारी ठरते.
जॉर्ज सोरस म्हणजे जगातील सर्वात भ्रष्ट इसम असून जगभरातील राजकीय नेते, न्यायाधीश, प्रशासकीय अधिकारी, पत्रकार आणि सिव्हिल सोसायटीचा मुखवटा परिधान करणाऱ्या राजकीय आंदोलकांची मोठी यादी सोरस यांच्या पगारावर काम करीत आहे, असा दावा हंगेरीच्या पंतप्रधानांनी २०२० सालीच केला होता.
जॉर्ज सोरस म्हणजे जगातील सर्वात भ्रष्ट इसम असून जगभरातील राजकीय नेते, न्यायाधीश, प्रशासकीय अधिकारी, पत्रकार आणि सिव्हिल सोसायटीचा मुखवटा परिधान करणाऱ्या राजकीय आंदोलकांची मोठी यादी सोरस यांच्या पगारावर काम करीत आहे, असा दावा हंगेरीच्या पंतप्रधानांनी २०२० सालीच केला होता.
युरोपिय देशांनी सिरिया तसेच इराकसारख्या देशांमधून आलेले निर्वासित स्वीकारून मानवता दाखवावी, अशी आग्रही मागणी सोरस व त्यांच्या संस्था सातत्याने करीत होत्या. पण ज्या देशांमध्ये गृहयुद्ध सुरू होते, त्या सिरिया व इराकपेक्षाही इतर देशांमधून लाखोंच्या संख्येने निर्वासित युरोपात दाखल झाले आहेत, यावर बोट ठेवून सोरस यांनी केलेल्या दाव्यांवर काहीजणांनी प्रश्न केले होते.
युरोपमध्ये निर्वासित दाखल करण्यामागे सोरस यांचा स्वार्थ असल्याचा आरोप यामुळे अधिकच तीव्र झाला होता. ज्या युरोपातील देशांची जनसंख्या कमी होत आहे, अशा देशात निर्वासित मोठ्या संख्येने दाखल झाले, तर त्या देशांची मूळ ओळखच पुसली जाईल, अशी चिंता व्यक्त करण्यात येत होती. पण सोरस यांच्यासारख्या भ्रष्ट उद्योजकाला तेच अपेक्षित आहे, असा दावा त्यांचे विरोधक करीत होते. यामुळेच काही देशांनी सोरस यांच्या ओपन सोसायटी फाऊंडेशनवर बंदी टाकली होती.
अशी बंदी टाकणारे देश प्रतिगामी आणि सुधारणाविरोधी असल्याचा ठपका ठेवून त्यांच्या विरोधात आंतरराष्ट्रीय पातळीवर अपप्रचाराची मोहीम छेडण्याचा प्रयत्न सोरस व त्यांच्या संस्थांनी करून पाहिला होता. रशियाचे राष्ट्राध्यक्ष व्लादिमिर पुतिन यांच्यावर सोरस सडकून टीका करीत आले आहेत. युक्रेनच्या युद्धाला रशियाच सर्वस्वी कारणीभूत असल्याचे सांगून सोरस यांनी रशियाच्या विरोधात सर्वच युरोपिय देशांनी खडे ठाकावे, असे आवाहन सोरस यांनी केले होते.
उदारमतवादाचा पुरस्कार करणारे सोरस यांनी युक्रेनचे युद्ध थांबावे व रक्तपात टाळावा यासाठी प्रयत्न न करता युरोपिय देशांनी युक्रेनला युद्धात सहाय्य करण्यासाठी शस्त्रपुरवठा व पैशांचाही पुरवठा करावा, असे आवाहन केले होते. इतकेच नाही तर युक्रेनसाठी कर्जरोखे काढून युरोपिय देशांनी रशियाला धडा शिकवावा, असे सोरस यांचे म्हणणे होते. याला युरोपिय देशांनी प्रतिसाद दिला नाही. मात्र सोरस शांतीप्रिय नसून युद्धखोर आहेत, हा आरोप यामुळे सिद्ध झाला होता.
अशी वादग्रस्त प्रतिमा असलेल्या सोरस यांनी जगभरातील प्रमुख देशांमध्ये आपली यंत्रणा विकसित केली असून ही यंत्रणा सोरस यांचे हितसंबंध जपण्याचे काम करीत असल्याचे दावे केले जातात. जगभरातील अराजकता, अशांती व अस्थैर्य यापासून लाभ करून घेणाऱ्या काही धनाढ्यांमध्ये सोरस यांचे अग्रक्रमाने नाव घेतले जाते. ओपन सोसायटी अर्थात मुक्त समाजाच्या नावाखाली आपले हितंसबंध साधू पाहणारे सोरस खऱ्या अर्थाने आपले संपूर्ण वर्चस्व असलेले जग उभे करू पाहत आहे. याच्या आड येणारे देश, नेते व व्यवस्था यांच्यावर सोरस कडाडून टीका करतात व भारताचे नेते आणि व्यवस्थेवर सोरस यांनी केलेली टीका देखील याचाच भाग असल्याचे दिसते.
