नवी दिल्ली, (वृत्तसंस्था) –  अर्थमंत्री निर्मला सीतारामन यांनी वेतना  व्यतिरिक्त देय रकमेवर (नॉन सॅलरीड पेमेंट) लागणारा टीडीएस २५ टक्क्यांनी कमी केला आहे. तसेच आयकर परतावा भरण्याची मर्यादाही नोव्हेंबरपर्यंत वाढविण्यात आली आहे. बुधवारी २० लाख कोटी रुपयांच्या आर्थिक पॅकेजपैकी काही भागाची माहिती देताना अर्थमंत्री सीतारामन यांनी ही घोषणा केली. ‘टीडीएस’ आणि ‘टीसीएस’ बाबतच्या निर्णयामुळे रोखता ५० हजार कोटींनी वाढणार आहे.