नवी दिल्ली – अमेरिकेचे राष्ट्रध्यक्ष डोनाल्ड ट्रम्प यांनी कोरोनाव्हायरसवरून चीनला धारेवर धरले आहे. चीनने वेळीच या साथीची माहिती दिली असती तर जगावर ओढावलेले हे संकट टाळता आले असते, असे सांगून राष्ट्रध्यक्ष ट्रम्प हे कोरोनाव्हायरसचा उल्लेख ‘चिनी व्हायरस’ असा करीत आहेत. यामुळे अस्वस्थ झालेल्या चीनने भारतासमोर विनवण्या सुरु केल्या आहेत. चीनचे परराष्ट्रमंत्री व्यांग यी यांनी भारताचे परराष्ट्रमंत्री एस. जयशंकर यांच्याशी चर्चा केली. निदान भारताने तरी या विषाणूचा उल्लेख ‘चिनी व्हायरस’असा करू नये, अशी अपेक्षा चीनच्या परराष्ट्रमंत्र्यांनी व्यक्त केली. या शब्दप्रयोगामुळे आपल्या देशाची प्रतिमा मालिन होत असल्याचे चीनच्या परराष्ट्रमंत्र्यांनी म्हटले आहे.‘कोविड-१९’ अर्थात कोरोनाव्हायरसवरून जगभरात चीनवर टीका होत आहे. . यातून आपली प्रतिमा सावरण्याचा चीन आटोकाट प्रयत्न करीत आहे. चीनच्या वुहान येथील सिक्रेट प्रयोगशाळातून हा विषाणू बाहेर पडल्याच्या बातम्या आल्या होत्या. या पार्श्वभूमीवर चीनचा हा सारा आटापिटा सुरु आहे.
या विषाणूचा उल्लेख ‘चिनी व्हायरस’ असा करू नका, असे चीन जगला सांगत आहे. चीनने राजनैतिक पातळीवर मोहीम सुरु केली असून विविध देशांच्या यी सरकारांशी संपर्क साधून या विषाणूला ‘चिनी व्हायरस’ संबोधण्यात येऊ नये यासाठी मनधरणी करीत आहे.वुहान येथून या साथीचा सर्वात आधी उल्लेख झाला असला तरी याचा जन्म येथूनच झाल्याचा कोणताही पुरावा नाही. एखाद्या विषाणूला एका देशाशी जोडणे चुकीचे ठरते , असे चीनचे म्हणणे आहे.
चीनचे परराष्ट्रमंत्री व्यांग यी यांनी या संदर्भात भारताच्या परराष्ट्
‘कोविड-१९’ विरोधातील लढाईत भारत विजयी होईल, असा विश्वास त्यांनी व्यक्त केला. तसेच चीन आपले अनुभवाचा आधारे भारताला सहकार्य करण्यास तयार असल्याचे व्यांग यी म्हणाले.
